ရခိုင်ပြည်နယ်အတွင်း ဖြစ်ပွားနေသော ဖြစ်စဉ်များအပေါ် ပြည်သူအချို့က ရန်ကုန်မြို့တွင် ဇွန်လ ၁၁ ရက်နေ့က ဆန္ဒထုတ်ဖေါ်နေသည်ကို တွေ့ရစဉ်
ရခိုင်ပြည်နယ်အတွင်း ဖြစ်ပွားနေသော ဖြစ်စဉ်များအပေါ် ရေးသားချက်များနှင့် စပ်လျဉ်း၍ ပြည်ပမီဒီယာအချို့အား ပြည်သူအချို့က ရန်ကုန်မြို့တွင် ဇွန်လ ၁၁ ရက်နေ့က ဆန္ဒထုတ်ဖေါ်နေစဉ်
ရခိုင်ပြည်နယ်အတွင်း ဖြစ်ပွားနေသော ဖြစ်စဉ်များအပေါ် ရေးသားချက်များနှင့် စပ်လျဉ်း၍ ပြည်ပမီဒီယာအချို့အား မြန်မာနိုင်ငံသားအချို့က ရန်ကုန်မြို့တွင် ဇွန်လ ၁၁ ရက်နေ့က ကန့်ကွက်ဆန္ဒပြခဲ့ကြသည်။
ရခိုင်ပြည်နယ်အတွင်း ဘင်္ဂါလီရိုဟင်ဂျာများ၏ အကြမ်းဖက်မှုများနှင့် ပတ်သက်၍ ရေးသားဖော်ပြမှုများမှာ မှန်ကန်မှုမရှိ၍ ပြည်ပမီဒီယာအချို့အား ၎င်းတို့အား ကန့်ကွက်ဆန္ဒပြခဲ့ခြင်းဖြစ်ကြောင်းနှင့် ရခိုင်ပြည်နယ်အတွင်း ဘင်္ဂါလီများ၏ အကြမ်းဖက်မှုများနှင့် ပတ်သက်ပြီးလည်း ဆန္ဒဖော်ထုတ်ခဲ့ကြကြောင်း သိရသည်။
ကန့်ကွက်ဆန္ဒပြမှုကို ရန်ကုန်မြို့ မြို့တော်ခန်းမရှေ့တွင် နံနက်ပိုင်းက ပြုလုပ်ခဲ့ကြခြင်းဖြစ်သည်။
ကန့်ကွက်ဆန္ဒပြသူများက "BBC, VOA, RFA, DVB ဘင်္ဂါလီအရေး လိမ်နေသည်"၊ "ဘက်လိုက်သော ပြည်တွင်းပြည်ပ မီဒီယာများ အလိုမရှိ" စသည့် စာတမ်းများ ကိုင်ဆောင်ပြီး ဆန္ဒဖော်ထုတ်ခဲ့ကြခြင်း ဖြစ်သည်။
ထို့ပြင် "Rohingya are Terrorists. Get Out of Our Country"၊ "တရားလည်းသိ ဓားလည်းရှိသည်။ ငါတို့သည် မြန်မာနိုင်ငံသားများ ဖြစ်ကြ၏။ ဒို့နိုင်ငံ ဒို့ယဉ်ကျေးမှု ဒို့သွေးချင်းများကို ကာကွယ်ပါ"၊ "We Love Peace" စသည့်စာတမ်းများ ကိုင်ဆောင်၍လည်း ကန့်ကွက်ဆန္ဒပြသူများက ဆန္ဒဖော်ထုတ်ခဲ့ကြသည်။
အဆိုပါ ဆန္ဒဖော်ထုတ်မှုသို့ မီဒီယာများ၊ စိတ်ဝင်စားသူ ပြည်သူများ လာရောက်ကြည့်ရှုခဲ့ကြသည်။
ရွှေတိဂုံစေတီတော် ရခိုင်တန်ဆောင်းတွင် ရခိုင်လူမျိုးများက ရခိုင်ပြည်နယ်အတွင်း ဖြစ်ပွားနေသော အကြမ်းဖက်မှုများ ရပ်တန့်ရန် ငြိမ်းချမ်းစွာ ၀တ်ပြုဆုတောင်းနေစဉ်
ထို့အတူ ဇွန်လ ၁၁ ရက်နေ့ မွန်းလွဲပိုင်းက ရွှေတိဂုံစေတီတော် ရခိုင်တန်ဆောင်းတွင်လည်း ရခိုင်လူမျိုးများက ရခိုင်ပြည်နယ်အတွင်း ဖြစ်ပွားနေသော အကြမ်းဖက်မှုများ ရပ်တန့်ရန် ငြိမ်းချမ်းစွာ ၀တ်ပြုဆု တောင်းခဲ့ကြပြီး ရခိုင်ပြည်နယ်ရှိ ပဋိပက္ခဖြစ်ပွားရာဒေသများရှိ ရခိုင်လူမျိုးများအား ကူညီထောက်ပံ့မှုများ ပြုလုပ်ရန်အတွက် ဆွေးနွေးခဲ့ကြကြောင်း သိရသည်။
http://www.weeklyeleven.com/index.php?option=com_content&view=article&id=14053:2012-06-11-12-00-32&catid=42:2009-11-10-07-36-59&Itemid=112
0 comments:
Post a Comment