ဤ၀န်ထမ်းများ လေးစားလွန်းလှသည်

ဤ၀န်ထမ်းများ လေးစားလွန်းလှသည်
credit to
 https://www.facebook.com/aung.khaing.71
====================================
တကယ်တော့ ဒီပို့စ်ကိုရေးသင့် တင်သင့်ခဲ့တာ ၂ ပါတ်ကျော်ပါပြီ ။
ဒါပေမဲ့ ကျနော့်မှာ ရန်ကုန်မှာနေစဉ် အလွန်အလုပ်များ ၊ လက်တော့ပ် ယူမသွားခဲ့ပဲ
ဖုန်းမှာလည်း သည်လောက်အရှည်ကြီး မရိုက်နိုင်တာကြောင့် အခုမှ
(စင်ကာပူပြန်ရောက်မှ)ရေးတင်ရ ပါတယ်။ အဖြစ်ကတော့ ကျနော်ရန်ကုန်ပြန်တဲ့
၁၀ရက်နေ့က ချန်ဂီလေဆိပ်မှာ MAI (8m232) လေယာဉ်ထွက်ကာနီး
၁၂ မိနစ်လောက်အလိုမှာ ဖြစ်ပွားခဲ့တာပါ။
ခရီးသည်အားလုံး Gate D42 ရဲ့ မှန်လုံခန်းထဲရောက်နေကြပြီ။ အဲဒီအချိန်
မိန်းကလေး တယောက်ရဲ့ငိုသံကြားရပါတယ်။ ကြည့်လိုက်တော့
ပိန်ပိန်သေးသေး ညှိုးနွမ်းတဲ့အသွင်ရှိတဲ့ မြန်မာ ကောင်မလေးတဦးက
တရှုံ့ရှုံ့ ငိုနေပြီး သူမနံဘေးက မတ်တပ်ရပ်နေတဲ့ ခရီးသည် သားသား
နားနား လူငယ်မိန်းကလေးနှစ်ဦးက သူမကို မေးမြန်းဖြောင်းဖျနေတာတွေ့ရ
ပါတယ်။ မေးကြည့်တော့ ကလေးမ ( မညိုပဲ အလွယ်ခေါ်ပါစို့) က အပြင်ဘက်က
public phone booth နားမှာ ဒေါ်လာ နှစ်ထောင်ကျော်ပါတဲ့ ပိုက်ဆံအိတ်မေ့ကျန်ခဲ့လို့
အခြား ကောင်မလေး တွေက ၀န်ထမ်းတွေကိုခွင့်တောင်းပြီး အပြင်ထွက်ရှာ
ပေမဲ့ ပြန်မတွေ့တော့တဲ့အဖြစ်ပါ။ မညိုက ငိုရင်းပြောတာက
မတွေ့လည်းနေပါစေ။ စင်ကာပူမှာ ရခဲ့တဲ့ ပိုက်ဆံတွေ မလိုချင်တော့ဘူးလို့
ထူးဆန်းစွာဆိုပါတယ်။ မညိုဟာ မြန်မာ အိမ်ဖော် မိန်းကလေးဖြစ်ပြီး သည်နေ့
၃နှစ်ပြည့်အပြီး အပြီးပြန်တာလို့ဆိုပါတယ်။ သူမဟာ စိတ်အလွန်ဆင်းရဲ
ဝမ်းနည်းနေပြီး စိတ်လည်းမူမမှန်တာသတိထားမိပါတယ်။ ကျနော်အပါအ၀င်
ဘေးက ခရီးသည်တွေက (နင့်နှယ် ကိုယ်ပင်ပင်ပမ်းပမ်း လုပ်ထားတဲ့ ပိုက်ဆံ
ဒီလိုပဲ ထားပစ်ခဲ့ရလား) လို့ ကရုဏာဒေါသော ၀ိုင်းဝန်းပြစ်တင်ပြောဆို
နေကြချိန်မှာ Co-Pilot ဖြစ်ဟန်တူတဲ့ ကိုယ့်ခန္ဓာတောင့်တင်း ပြီးရုပ်ရည်
သန့်ပြန့်တဲ့ အသက် ၃၀ကျော် အဖြူရောင်ယူနီဖောင်းဝတ်လူငယ် ရောက်လာ
ပါတယ်။ စကားမပြောရင် မြန်မာမှန်းမသိနိုင်ပါဘူး။ နာမည်ကို ကိုမိုးပဲဆိုပါစို့ ။
သူကဘာဖြစ်တာလဲ မေးတော့ ၀ိုင်းပြောပြကြတော့ အဖြစ်စုံ သိတာနဲ့ သူက
ချက်ခြင်းအပြင်ကို ထွက်ပြေးပါတယ်။ တကယ့်ကိုပြေးနေတာပါ။
ဟုတ်တယ်လေ။ သူ့တာဝန်ထမ်းဆောင်ဖို့ ၁၀ မိနစ်လောက်ပဲ
လိုတော့တာပါ။ သူက Public phones တွေတပ်ထားတဲ့နံရံနားမှာ ပိုက်ဆံအိတ်ကို
အသေးစိတ်လျှောက်ရှာပါတယ်။ သူ့လှုပ်ရှားမှုကို မှန်လုံခန်း ထဲက ခရီးသည်
အားလုံးမြင်နေရပါတယ်။ ခနနေတော့ သူဖုန်းဆက်နေပါတယ်။
ဒီဘက်မှာလာမြည်တဲ့အခါ ဖိလစ်ပိုင်လူမျိုး Security ၀န်ထမ်းက ဖုန်းကိုင်ပြီး
ကျနော့်ဆီလာပြီးသူ့ဟင်းန်းဖုန်းကိုပေးပါတယ်။ ကိုမိုးက ကျနော့်ကို အန်ကယ်.
.ကောင်မလေးကိုမေးပေးပါ။ ဘယ်နေရာ(တိတိကျကျ)မှာ ပိုက်ဆံအိတ်
တင်ခဲ့တာလဲလို့။ ကျနော်က မညိုကိုမေးပြီးဖုန်း တွေနားက အုတ်ဘောင်လေးပေါ်မှာ
လို့ပြန်ပြောရပါတယ်။ ကိုမိုးက ထပ်ရှာနေပါတယ်။ ကျနော့်နဲ့ဖုန်းချပေမဲ့
အခြားနေရာတွေကို ဆက်နေတာတွေ့ရပါတယ်။ ကျနော့်စိတ်ထဲ မညိုဟာ
စိတ်တွေ ဂယောက်ဂယက်ဖြစ်ပြီး မဟုတ်တာတွေလျှောက်ပြောနေတာဆိုရင်
ခက်ရချည်ရဲ့လို့တွေးနေမိပါတယ်။ ဒီလိုနဲ့ လေယာဉ်ထွက်ချိန် ၁း၁၅
မိနစ်ရောက်လာပါပြီ။ ဒါပေမဲ့ ခရီးသည်အားလုံးဟာ မညိုကို သနားလို့
မငြိုငြင်ဘဲ စောင့်ကြပါတယ်။ မကြာခင်မှာ လေဆိပ်သန့်ရှင်းရေး ယူနီဖောင်း
ဝတ်ထားတဲ့ တရုတ်လူမျိုး အမျိုးသမီးကြီးတဦး
ကိုမိုးနား ရောက်လာ .. စကားနည်းနည်းပြောပြီး မိန်းမအိမ်သာထဲဝင်
သွားပါတယ်။ သူမ ပြန်ထွက်လာတော့ လက်ထဲမှာ ပါလာတဲ့ ပိုက်ဆံအိတ်လေးကို
ကိုမိုးကိုပေးပါတယ်။
အဲဒီအခါ ကိုမိုးက ပိုက်ဆံတွေ ရေတွက်ရင်း ကျနော်တို့ ဘက်ကို
လက်မထောင်ပြပါတယ်။ ပြီးတော့ သန့်ရှင်းရေးဝန်ထမ်းတရုတ်မကြီးရဲ့
ရင်ဘတ်က နာမည် ရင်ထိုးကို သူ့ဖုန်းနဲ့ ဓါတ်ပုံရိုက်နေတာတွေ့ရပါတယ်။
တရုတ်မကြီးကလည်း ပြုံးပြီးကျန်ခဲ့တာ တွေ့ရပါတယ်။ ကိုမိုးပြန်ပြေးလာ ၊
ကျနော်တို့နားရောက်တော့ မညိုကိုမေးပါတယ်။ ငွေအတိအကျ
ဘယ်လောက်လဲပေါ့။ မညိုက ၂၁၀၀ လို့ဖြေပါတယ်။ ငွေတွေကိုရေစေတော့
အတိအကျ ၂၁၀၀ဒေါ်လာပါပဲ။ ပိုက်ဆံအိတ်ပေါ်မှာ Donate to Brighthill
Monastery လို့ရေးထားတာတွေ့ရပါတယ်မညိုဟာ သူ့အတွေးနဲ့သူတော့
ဟုတ်လို့ပါပဲ။ ကောက်ရသူက ဘုန်းကြီးကျောင်းကိုသွားလှူလိမ့်မယ်လို့
ယူဆပါသတဲ့။ မညိုကတော့ လူတွေကိုအားနား ၀မ်းနည်းဝမ်းသာနဲ့
ငိုနေပါပြီ။ ကျနော်တို့က ကျေးဇူးကြီးလှတဲ့ ကိုမိုးကို ကန်တော့လိုက်
လို့ပြောတော့ ကိုမိုးက မကန်တော့ပါနဲ့၊ ကျေးဇူးရှင်က ကျနော်မဟုတ်ပါ။
Cleaner aunty လို့ပြောပါတယ်။ ကြားရသူတိုင်းကိုမိုးကိုလေးစားလွန်းလို့
မျက်ရည်လည်ရပါတယ်။ ပြီးတော့ သူရိုက်ခဲ့တဲ့ ဓါတ်ပုံထဲက cleaner staff
တရုတ်မကြီးရဲ့နာမည်နဲ့ ရာထူးကို စာရွက်တရွက်ပေါ်
ချက်ခြင်းကောက်ရေး၊ ပိုက်ဆံတွေကိုဘေးမှာချပြီး ကျနော့် ဟင်းန်ဖုန်းနဲ့
ဓါတ်ပုံရိုက်စေပါတယ်။ ပြီးတော့ ကျနော့်ကို (အန်ကယ် ဒီဖြစ်ရပ်ကို
စင်ကာပူ သတင်းစာထဲရေးထည့်ပြီး cleaner staff ကိုဂုဏ်ပြုရေးသားပေးပါ..
အန်ကယ်ရေးတဲ့.. စာ ကျနော့်ကို email copy ပဲပို့ပေးပါ) လို့ပြောပါတယ်။
သူ့ရဲ့name card လေးကျနော့်ကိုပေးပြီး လေယာဉ်ပေါ်ပြေးတက်
သွားပါတော့တယ်။ သူ့မျက်နှာက ပျော့မနေ မာမနေပဲ ပုံမှန်ပါ။
သူဟာ လုပ်သင့်တာတွေကို management ကောင်းကောင်းနဲ့
အချိန်တိုအတွင်း ဆက်တိုက်လုပ်ခဲ့တာပါပဲ ။
တကယ်ဆိုရင် သူ့တာဝန်ချိန် အရမ်းနိးနေပြီ..လျစ်လျူရှုလို့ရပါသည်
အကိုစိတ်မကောင်းပါဘူး။ ဒါပေမဲ့ လေယာဉ်ချိန်နီးလှပြီ ။ မတတ်နိုင်ဘူး
ညီမလေးဆိုရင် မညိုလေး ဘာတတ်နိုင်ပါမည်လဲ ။ သုံးနှစ်သုံးမိုး ပင်ပမ်းဆင်းရဲစွာ
အိမ်ဖော်လုပ်စုခဲ့ရသော ဒေါ်လာနှစ်ထောင် ဆုံးပြီပေါ့ ။. သို့သော် သူ့
နှလုံးသားကမြင်မြတ်လွန်း၏ ။
သူလေယာဉ်ပေါ်ရောက်မှ ခရီးသည်တွေဝင်ရတော့ ၁၀မိနစ်လောက်နောက်
ကျနေပါပြီ။ ။ အဖြစ်ကတော့ တကယ့်ကို သည်းထိပ်ရင်ဖို ၀မ်းသားဝမ်းနည်း
မချိတင်ကဲ ဂုဏ်ယူလေးစားချီးကျူး..စုံလို့ပါပဲ ။ လေယာဉ်ပေါ်ရောက်တော့
မတွေ့ကြတော့ပဲ ဆင်းကာနီး ကျနော် အိမ်သာဘက်သွားတော့မှ တည်ငြိမ်ပြီး
ကျနော့်ကို ပြုံးပြနိုင်ပြီဖြစ်တဲ့ မညိုနဲ့ သူ့အနားမှာ အခြားအမျိုးသမီး
နဲ့ပြောဆိုနေတာတွေ့ရပါတယ်။ အိမ်သာစောင့်ရင်း မေးကြည့်တော့မှ မညိုဟာ
တရုတ်အိမ်မှာ အိမ်ဖော်လုပ်ခဲ့ပြီး သဘောကောင်းတဲ့ အိမ်ရှင်မကြောင့်
သက်တမ်းရှည်ခဲ့ပေမဲ့ အိမ်ရှင်ထီးက နင်ဘာမှလညာ်း ပင်ပင်ပမ်းပမ်း မလုပ်ရပဲ
ငါတို့ပိုက်ဆံတွေ အလကားယူနေတာလို့ ကြိမ်ဖန်များစွာ (လေယာဉ်ကွင်း
လိုက်ပို့တဲ့အထိ) ပြောနေခဲ့လို့ မညိုခင်ဗျာ သည်ပိုက်ဆံတွေ
မလိုချင်တော့လောက်အောင် စိတ်ဆင်းရဲခဲ့ရပါတယ်တဲ့။ ကြားရသူတိုင်း
အံ့သြမဆုံးပါပဲ။ မညိုနဲ့ ပိုက်ဆံများ မြင်းခြံနားက သူတို့ရွာက မိဘများထံ
ချောချောမောမောရောက်သွားပါစေလို့ ဆုတောင်းရပါတယ်။ ဘေးက
အမျိုးသမီးက မညိုကို ရန်ကုန်က သူ့အိမ်မှာခေတ္တနေစေပြီး မညိုရဲ့ မိဘ
အကိုများနဲ့ ဆက်သွယ်ပေးမယ်လို့ပြောပါတယ်။ ကျနော် ဒီအကြောင်းကို
အာဘော်တမျိုးနဲ့ စင်ကာပူသတင်းစာကိုမရေးခင် မြန်မာပရိသတ်
အတွက်ရေးတင်လိုက်ပါတယ်။ ကိုမိုးက သူဟာကျေးဇူးရှင်မဟုတ်ပါလို့
ပြောနေပေမယ့် တရုတ်မကြီးဟာ ကိုမိုး ကသာ လာမမေးရင်
ယူလိုက်မှာပါပဲ ။ လာမေးမှတော့ အနီးအနားမှာ CCTV camera
တွေအပြည့်မို့ ပြန်ပေးရတော့မှာလေ ။။ ဒါကြောင့် ပိုပြီး ချီးကျူးသင့်သူဟာ
ကိုမိုးပါပဲ ။ ကျေးဇူးတင်မခံလိုတဲ့ သူ့ရဲ့စိတ်ထားကိုက ထပ်ပြီး လေးစား
စရာကောင်းနေပါတယ်။
ဒီပို့စ်ကို ဂျာနယ်တခုခုက ဖော်ပြမယ်ဆိုရင် ကျေးဇူးတင်လှပါတယ်။
ကိုမိုးရဲ့နာမည်အပြည့်အစုံက ကိုလွှမ်းမိုးနိုင် ဖြစ်ပါတယ်။
(တနာရီအတွင်း လိုက်သူ ၂၅၀၀။ ရှယ်သူ ၁၂၀၀ ခန့်တွေ့ရသည်။
ထိုလူငယ်အားချီးကျူးလိုခြင်း ၊ ထိုစိတ်ဓါတ်မျိုး မြန်မာလူမျိုးများကြားပျံ့နှံ့စေလိုခြင်း
ဟူသော စေတနာဖြင့် ကျနော်ရေးသားရကျိုးနပ်သဖြင့်လည်း ၀မ်းသာလှပါသည်။
စင်ကာပူသတင်းစာသိူ့လည်း သူတို့ နိုင်ငံသားတရုတ်မကြီး၏ ရိုးသားမှုနှင့်
အတူ မြန်မာဝန်ထမ်း၏ အားထုတ်မှုကိုပါ ပေါ်လွင်အောင်ရေးသားပေးပို့ရဦးမည်..

ကျနော်ငယ်စဉ်က စာစောင်တခုမှာ ပီမိုးနင်းရေးခဲ့သော ဤသူငယ်မျိုးအလိုရှိသည်
အမည်ရှိဆောင်းပါးတပုဒ် ဖတ်ခဲ့ဘူးသည်။ ဆရာကြီးရေးထားသည်က ရိုးရိုးလေးပါ။
လက်သည်းခြေသည်းမှန်မှန်လှီးသင်သော.. မိဘဆရာကိုရိုသေသော.. လုံ့လ
ဝီရီယရှိသော ..စာကြိုးစားသော...စသည့်ရိုးရှင်းသည့်အချက်လေးများကို ရေးသား
ထားပါသည်။ ယခုဖြစ်ရပ်ကတော့ဖြင့် ပြောင်းလဲချိန်တန်ပြီဖြစ်သော... ပြည်သူချစ်
ပါတီက အနိုင်ရပြီးဖြစ်သော မြန်မာနိုင်ငံဝယ် သမတလည်းမဟုတ် ၀န်ကြီးလည်း
မဟုတ် ကာချုပ်လည်းမဟုတ်သော သာမန်ပြည်သူတိုင်းက စံနမူနာထား
ကျင့်ကြံသင့်သော လူငယ်တယောက်၏ မြင့်မြတ် စိတ်ဓါတ်ပါပဲ)

Read More

ပါတီဝင် ၂၀၀ ကျော် NLD ညီလာခံ ကျင်းပရေး ကော်မတီကို ဆန္ဒပြမည်

ပါတီဝင် ၂၀၀ ကျော် NLD ညီလာခံ ကျင်းပရေး ကော်မတီကို ဆန္ဒပြမည်

တနင်္သာရီတိုင်းဒေသကြီး ကော့သောင်းမြို့
အမျိုးသား ဒီမိုကရေစီအဖွဲ့ချူပ် (NLD)
တွင် ခရိုင် / မြို့နယ် ညီလာခံ ကျင်းပရေးကော်မတီ
ဖွဲ့စည်းရာ၌ ဒီမိုကရေစီနည်းလမ်းမကျဟု ဆိုကာ ပါတီဝင်
 ၂၀၀ ကျော်က ပါတီ ရုံးရှေ့ ၌ သြဂုတ်လ ၂၀


ရက်နေ့တွင် ဆန္ဒထုတ်ဖော်မည်ဟု ကော့သောင်းမြို့နယ် NLD မှ ဦးမျိုးလွင်က
ပြောကြားသည်။

...

NLD ဗဟို၏ ညွန်ကြားမှုဖြင့် တိုင်း ညီလာခံ ကျင်းပရေး ကော်မရှင်မှ ခရိုင်
/မြို့နယ် ညီလာခံ ကော်မရှင်အား ဖွဲ့စည်းရာတွင် အများပြည်သူကို ချမပြခြင်း၊
ပါတီဝင်များ သဘောဆန္ဒပါဘဲ လူတစ်စုက လုပ်ဆောင်ကာ ဖွဲ့စည်းခဲ့ခြင်းတို့ကြောင့်
ဆန္ဒ ထုတ်ဖော်ရန် စီစဉ်ဆောင်ရွက်ခြင်းဖြစ်သည်ဟု ဦးမျိုးလွင်က ပြောကြားသည်။

“၂၀ ရက်နေ့မှာ ဆန္ဒ ထုတ်ဖော်ပွဲလုပ်မယ်” ဟု ၎င်း က ဆိုသည်။

ဆန္ဒ ထုတ်ဖော်ရန် စာကို သြဂုတ်လ ၁၃ ရက်နေ့တွင် မြို့နယ်ကော်မရှင်နှင့် မြို့နယ်
ရဲတပ်ဖွဲ့သို့ အကြောင်းကြားပြီးဖြစ်သည်။

“ ပါတီကို ဆန့်ကျင်တာမဟုတ်ဘူး။ ပါတီထဲမှာရှိတဲ့ လူတစ်စုကို ဆန့်ကျင်တာပါ ” ဟု
ဦးမျိုးလွင်က ဆိုသည်။

ဧရာဝတီတိုင်းဒေသကြီး မြောင်းမြမြို့နယ် NLD ညီလာခံ ကျင်းပရေးကော်မရှင်
ဖွဲ့စည်းရာတွင် ဒီမိုကရေစီနည်းလမ်းမကျဟုဆိုကာ ပါတီဝင်အချို့ ဆန္ဒပြမှု အပြီး
ရက်ပိုင်းအကြာ နိုင်ငံတောင်ပိုင်း ကော့သောင်းမြို့တွင် ယင်းသို့သော
ဖြစ်ရပ်ပေါ်ပေါက်လာခြင်းဖြစ်သည်။

ကော့သောင်းခရိုင်/မြို့နယ် ကော်မရှင်ကို အဖွဲ့ဝင် ၁၅ ဦးစီဖြင့် ဖွဲ့စီးပြီး
ခရိုင်ကော်မရှင် ဥက္ကဌနေရာကို ရှေ့နေ ဦးခင်ဇော်အား လည်းကောင်း၊ မြို့နယ်
ကော်မရှင်နေရာအတွက် ဦးအောင်ရွှေတို့အား အသီးသီး ရွှေးချယ်ထားသည်ဟု သိရသည်။

ယင်းကော်မရှင်မှာ ညီလာခံကျင်းပရေး အတွက် ယာယီသာဖွဲ့စည်းမည့်
လုပ်ငန်းကော်မတီဖြစ်ပြီး အဖွဲ့ဝင်စာရင်းကို အချိန်မီပေးအပ်ရန် လိုအပ်သည့်အတွက်
အများပြည်သူသို့ ချမပြနိုင်ခဲ့ခြင်းဖြစ်ကြောင်း တိုင်းကော်မရှင် အဖွဲ့ဝင်
ဦးမောင်မောင်ဦးက ရှင်းပြသည်။

“ဗဟိုကလည်း အများရဲ့ ဆန္ဒယူပြီးတော့ လုပ်ရမယ့် အနေအထားမဟုတ်ဘူး ထင်လို့
ကျွန်တော်တို့ကို ညွှန်ကြားတယ်လို့ ယူဆပါတယ်”ဟု ၄င်းကဆိုသည်။

မြိတ်ခရိုင်/မြို့နယ် ကော်မရှင် ဖွဲ့စည်း တာဝန်ပေးအပ်ပွဲအခမ်းအနားကို သြဂုတ်လ
၅ ရက်နေ့၊ ထားဝယ်တွင် ခရိုင်ကော်မရှင်ဖွဲ့စည်းခြင်းကို ဇူလိုင် ၃ ရက်နေ့တွင်
အသီးသီးပြုလုပ်ခဲ့ပြီး မြို့နယ် ကော်မရှင်ကို ဇူလိုင် ၁၇ ရက်တွင်
ဖွဲ့စည်းခဲ့သည်။

ကော့သောင်ခရိုင်/မြို့နယ် ကော်မရှင် ဖွဲ့စည်းတာဝန် ပေးအပ်ပွဲ အခမ်းအနား ကို
ကော့သောင်းမြို့၊ ငွေလရိပ်ခန်းမတွင် သြဂုတ်လ ၁၅ ရက်တွင်
ပြုလုပ်ရန်စီစဉ်လျက်ရှိသည်။

PopularNews

Read More

မြန်မာဂျာနယ်လစ်ကွန်ရက် သတင်းထုတ်ပြန်ချက်(၇/၂၀၁၂)

မြန်မာ ဂျာနယ်လစ် ကွန်ရက်
သတင်း ထုတ်ပြန်ချက် (၇/၂၀၁၂)

ဂျာနယ်နှစ် စောင်ကို ရပ်ဆိုင်း အရေးယူမှု အပေါ်  ပြန်လည်ရုပ် သိမ်းပေးရန် တောင်းဆိုခြင်း။

ပြည်တွင်း အပတ် စဉ်ထုတ် The Voice Weekly နှင့် Envoy ဂျာနယ်တို့ကို အကန့် အသတ်မရှိ ရပ်ဆိုင်း အရေးယူမှု အပေါ်  ပြန်လည် ရုပ်သိမ်းပေးရန် မြန်မာဂျာနယ် လစ်ကွန်ရက်မှ ပြန်ကြားရေး ၀န်ကြီးဌာနသို့ တောင်းဆို သွားမည်ဖြစ်သည်။

ယင်းသို့ အရေးယူခြင်းသည် မီဒီယာ လွတ်လပ်ခွင့်ကို ပြင်းထန်စွာ ထိပါးချိုးဖော
က်ရုံမက သမ္မတကြီး၏ အပြုသဘောဆောင်သည့်သဘောထားအမြင်များကို ဆန့်ကျင်ကွဲလွဲနေသည့် လုပ်
ဆောင်မှုဖြစ်သောကြောင့် ယင်းသို့အရေးယူထားမှုအပေါ် စဉ်းစားသုံးသပ်၍ တစ်ပတ် အတွင်း ပြန်လည်ရုပ်သိမ်းပေးရန် တောင်းဆိုကြောင်းစာကို သက်ဆိုင်ရာဝန်ကြီးဌာန ထံ ပေးပို့ သွားမည်ဖြစ်သည်။

ယခုဆုံးဖြတ်ချက်ကို ၃၁.၇.၂၀၁၂ နေ့က ပြုလုပ်ခဲ့သည့် မြန်မာဂျာနယ်လစ်ကွန်ရက် အထူးအစည်းဝေး၌ လုပ်ငန်းကော်မတီနှင့် ကွန်ရက်ဝင်များက သဘောတူဆုံးဖြတ်ခဲ့ကြပြီး မီဒီယာလွတ်လပ်ခွင့်နှင့် ပတ်သက်၍ လိုအပ်သော လှုပ်ရှားမှုများကိုလည်း ဆက်လက်ပြုလုပ် သွားမည်ဖြစ်သည်။

လေးစားစွာ
လုပ်ငန်းကော်မတီ
မြန်မာဂျာနယ်လစ်ကွန်ရက်

The Voice Weekly

Read More

မြန်မာ့စီးပွားရေး ဘဏ် ၀န်ထမ်းတစ်ဦး ၏ ရင်ဖွင့်စာ

ချစ်ခင်လေးစားအားထားရပါသောနိုင်ငံတော်သမ္မတကြီးခင်ဗျာ
ကျွန်တော်သည် မြန်မာ့စီးပွားရေးဘဏ် မှဝန်ထမ်းတစ်ဦး ဖြစ်ပါသည်။ ကျွန်တော်တို့ ၀န်ထမ်းများ တွေ့ကြုံခံစားနေရ သော ရင်ထဲမှ ခံစားချက်များ ကို သမ္မတကြီးသိရှိနိုင်ရန် တင်ပြခွင့်ပြုပါ ဟုလေးစားစွာ တောင်းဆိုအပ်ပါ
သည်။ ကျွန်တော်တို့ မြန်မာ့စီးပွားရေးဘဏ်တွင် ၀န်ထမ်းများ ရာထူးရယူရာ၌ ရာထူးယူမည် ဆိုလျှင် နယ်ပြောင်း
ရမည် ဟု ဆောင်ပုဒ် တစ်ခုလို ကျင့်သုံးနေသော ကြောင့်ရာထူးရယူ လိုပါသော်လည်း အဆိုပါကျင့်စဉ်ကိုကြောက်ရွံ့
၍ လုပ်သက် (၁၀)နှစ်(၂၀) နှစ်သမားများ လက်ရှိရာထူးအဖြစ်နှင့် သာ ရပ်တည်နေရပြီးရာထူးတိုးခြင်းလည်းမခံရ
ပါ။ရာထူးရယူသော ၀န်ထမ်းများကျပြန်တော့ မိမိ၏လစာဖြင့်ရပ်တည်နေရသောအမိအို ၊အဖအိုတို့အားအနီးကပ်
ပြုစုဆောက်ရှောက်လုပ်ကျွေးမှု မပြုနိုင်တော့ ဘဲဖြစ်သလိုထားရစ်ခဲ့ရပါသည်။သားသမီးဝတ်တရားမျက်ကွယ်
ခဲ့ရပါသည်။အရွယ်မရောက်သေးသောသားသမီးများကို ပညာသင်ကြားရန် အထောက်အကူမပြုနိုင်သလိုဇနီး
မယားကို ငွေကြေးမပံ့ပိုးနိုင်၍ဒုက္ခရောက်ရခြင်းကြောင့်တစ်နယ်တစ်ကျေးတွင်တာဝန်ထမ်းဆောင်ရန်အတွက်
နေထိုင်ရန် အခက်အခဲ အဖြစ်စတင်တွေ့ကြုံရပါသည်။အိမ်ထောင်ဦးစီးဝတ်တရားတို့ပျက်ကွယ်ခဲ့ရပါသည်။
အရာထမ်းလည်းဝန်ထမ်း ၊ အမှုထမ်းလည်းဝန်ထမ်းဖြစ်သော်လည်း အရာထမ်းများ အတွက်အဆင်ပြေ
ချင်ပြေပါလိမ့်မည်။ အမှုထမ်းများအတွက်မူမိမိကိုယ်ပိုင်ငွေကို ခြစ်ချုံ့၍ ငွေကြေး အခက်အခဲကြားမှ မိမိအိမ်ခန်းငှား
နေရန် ဖြေရှင်းရပါသည်။
တစ်အိုးတစ်အိမ်ခွဲ၍ချက်ပြုတ်စားသောက်ရသောဝန်ထမ်းများ၏အခက်ခဲ အကျပ်အတည်းများကျန်းမာ
ရေးအခက်ခဲများစွာလည်းရှိပါသေးသည်။ထိုအချက်များကိုကြည့်ခြင်းအားဖြင့်သက်ရှိအစိုးရသစ်လက်ထက်နိုင်ငံတော်သမ္မတကြီး၏ မိဘပြည်သူများနိုင်ငံဝန်ထမ်းများ၏ သက်သာချောင်ချိရေး ၊ စားဝတ်နေရေးဖူလုံရေးအစီ
အမံများ ချမှတ် အကောင်အထည်ဖော် ဆောင်ရွက်နေမှုများနှင့်ဆန့်ကျင်ဖက်ဖြစ်နေသည်ဟုထင်မြင်မိပါသည်။
သို့ဖြစ်ပါ၍ နိုင်ငံဝန်ထမ်းများအား မိမိနေထိုင်ရာ တိုင်း/ပြည်နယ် ဒေသကြီး အတွင်းနှင်နီးစပ်ရာမြို့များ
တွင် သာ တာဝန်ပေးစေခိုင်းမည်ဆိုပါက နိုင်ငံတော်သမ္မတကြီး၏ချမှတ်ချက်ထားသောမူဝါဒလမ်းစဉ်များကို
တစ်ဖက်တစ်လမ်းမှ ကူညီဆောင်ရွက်ပေးရာရောက်မည်ဟု ထင်မြင်ယူဆမိပါသည်။
ထို ဖြစ်စဉ်အကြောင်းရာများအား သက်ဆိုင်ရာဝန်ကြီးဌာန နှင့် ဌာနဆိုင်ရာအကြီးများကိုမေးမြန်းမည်ဆိုပါက
အဖြစ်မှန်ကိစ္စရပ်များကိုဖုံးကွယ် ၍ အထက်လူကြီးတစ်ယောက် အဆင်ပြေလက်ခံနိုင်သောအဖြေတစ်ခုကိုသာ
ပေးပါလိမ့်မည်။
နိုင်ငံတော် သမ္မတကြီးမှ မိဘပြည်သူများနှင့် နိုင်ငံဝန်ထမ်းများအား မိဘသဖွယ်ပြုမူဆောင်ရွက်နေမှု
နှင့် သားသမီးများသဖွယ်စောက်ရှောက်မှုများကို ကျွန်တော်၏မြန်မာ့စီးပွားရေးဘဏ်မှ ပြောင်းရွှေ့ အာဏာပိုင်
ဆိုင်ထားသော အထက်လူကြီးများက တစ်စိတ်ကလေးမျှလိုက်နာကျင်သုံးနိုင်ခဲ့ ပါသော်......

နိုင်ငံတော်သမ္မတကြီးအား
ယုံကြည်လေးစားအားကိုးစွာဖြင့်

ဘဏ်ဝန်ထမ်းတစ်ဦး

Read More

အိ

ကံဆိုးမ သွားရာ မိုးလိုက်ရွာနေသလား။ အိတစ်ယောက် မွေးကတည်းက မိဘမိတ္တာကို မခံစားရပဲ စွန့်ပစ်ခံရလို့ မုန့်လက်ဆောင်သည်ကြီးကခေါ်မွေးစားခဲ့တာလေ။ လသားအရွယ်ကတည်းက သူတောင်းစားတွေလက်ထဲကို တနေ့ ၁၀၀၀နှုန်းနဲ့ ထည့်ပြီး ရုပ်ပြတောင်းစားခဲ့ရတဲ့ အိဘ၀။

ကလေးဘ၀တလျှောက်လုံး တောင်းရမ်းစားသောက်ကာ အသက်ရှင်ဖို့ရပ်တည်ခဲ့ရတယ်။ ၁၀နှစ်အရွယ်မှာတော့ မွေးစားဖခင်ရဲ့ စားချင်ခံခဲ့ရလို့ ပထမဆုံး အပျိုရည်ပျက်ခဲ့ရတာကိုတောင် ဘာမှ မသိနားမလည်ပဲ အဖေအမှတ်နဲ့ ဆက်ချစ်ခဲ့ရတဲ့ အိဘ၀။ ကောင်းကောင်းမနေရ၊ မစားရ၊ ပညာမသင်ရပဲ လေလွင့်ကာ အရပ်တကာလှည့်ပြီး ၀မ်းစာအတွက် တောင်းရမ်းစားရတဲ့ အိဘ၀၊

အသက်၁၃နှစ်အရွယ်တွင် ပထမဆုံး အပျိုရည်ဖောက်မယ်ဆိုပြီး ပွဲစားတွေနဲ့ စပ်ခံရတဲ့ အိဘ၀။ ရသမျှကို အဖေဆီအပ်ကာ ဘ၀ကို ကြမ်းကြမ်းတမ်းတမ်း ဖြတ်သန်းရတဲ့ အိဘ၀။

အသက်အရွယ်နဲ့မမျှ ဘ၀နဲ့ မတန်လောက်အောင် အနစ်နာခံ လုပ်ကျွေးနေသော်လည်း အရက်သောက်၊ ဖဲရိုက်၊ ပွေရှုပ်နေတဲ့
ဖခင်အကြွေးတွေကို လည်မျိုနစ်မတတ် ပြန်ဆပ်ပေးနေရတဲ့ အိဘ၀............

ချီးစားလောက်တွေသာ ချီးတွင်းမှာ ပျော်ပါးနေသလို အိတယောက်လည်း အပျက်မ ဘ၀နဲ့ ဘ၀ကို တဖြည်းဖြည်းခုံမင်လာတယ်။
အရွယ်လေးလည်း ရလာတော့ ခန္ဓာကိုယ်လေးကလည်း လှလာတော့ အိတယောက် အချိန်ပြည့် မအားလပ်အောင်
ဖောက်သည်တွေတိုးလာတယ်လေ။ ဖောက်သည်တွေနဲ့ ဘ၀တူတွေက ပေးတဲ့ အတွေ့အကြုံ အပြောအဆိုတွေကြောင့် အိတယောက်
တဖြည်းဖြည်း လူရည်လည်လာတယ်။ ငွေကို လွယ်လွယ်ရသလို လွယ်လွယ်ပြန်သုံးတတ်လာသည်။ အရက်၊ဆေးလိပ်၊ ဖဲ၊ မူးယစ်ဆေး၊ ကလပ် စတာတွေမှာလည်း ခုံမင်လာတယ်။
အပြောအဆိုကလည်း ညက်သလား မမေးနဲ့။ အမူပိုတတ် အချွဲပိုတတ် အပေးကောင်းလာလို့လဲ အိကို တွေ့တဲ့ ယောကျာ်းသားတိုင်း မသနားပဲ မနေအောင်ဖြစ်ကြရတယ်။သူဘ၀လေးတွေကို ဇာတ်လမ်းလုပ်ပြောပြနေရင်တောင် တချို့ယောကျာ်းတွေ မျက်ရည်ကျကြရတယ်။

ဒီဘ၀ဆိုးကြီးက ရုန်းထွက်ချင်လှပါပြီတဲ့။
ကောင်းတဲ့ဘ၀မှာ ရိုးရိုးသားသားရှာဖွေပြီး ရှိတာလေးနဲ့ပဲ နေချင်လှပါပြီဆိုတဲ့ အိရဲ့ သုံးနေကျလက်သုံး စကားလေးတွေကို ဘယ်ယောကျာ်းသားက မသနားပဲ နေနိုင်ပါ့မလဲ။

အစ်ကိုကသာ အိကို အချစ်ဆုံး၊ အိဘ၀ကို နားအလည်ဆုံး၊ အစ်ကိုကို ဒါကြောင့်လဲ အိ သိပ်ချစ်တာ၊ အိကို နားလည်တဲ့သူ အိအပေါ်
ကောင်းအောင် ပြောတတ်တဲ့သူက အစ်ကို တစ်ယောက်ပဲရှိတယ်ဆိုတဲ့ နှုတ်ခမ်းထက်က ဓားသွားတွေရှိတဲ့အပြောမျိုးတွေ...

အစ်ကိုချစ်ချစ်မချစ်ချစ် အိကတော့ နားမလည်ဘူး အိလေ အစ်ကိုကို ချစ်နေရရင်ပြီးပြီ။ အစ်ကို အိဆီကို ဆန္ဒရှိမှ လာလည်း အိက
အစ်ကိုလာရင် အရမ်းပျော်နေတာ။ အချိန်တိုင်း အစ်ကို့ကိုပဲ မျှော်နေတာ။ ဧည့်သည်လာတိုင်း အစ်ကိုလားဆိုပြီး အိမှာဖြင့်မျှော်နေရတာ
အမောပဲ...ဟူသော စကားလှလှလေးတွေကို မျက်ရည်အရွှဲသားလေးနဲ့ ရင်ခွင်ထဲတိုးပြီးပြောနေတဲ့ အိကို ဘယ်လို ယောကျာ်းသားက မချစ်နိုင်ပဲ မသနားနိုင်ပဲနေမှာလဲကွယ်။

အိလေ..အိမ်က အဖေအတွက် ပိုက်ဆံအရမ်းလိုနေတယ်။ ဒါကြောင့် အခုရက်ပိုင်း နေမကောင်းတာတောင် ဧည့်သည်တွေကို
မ၀င်ချင်ပဲဝင်နေရတယ်။ အိ ဒီလကုန်ရင် အလုပ်ကထွက်ချင်ပြီအစ်ကို..အဲဒါအစ်ကို အိ အလုပ်ထွက်တာကို ကြိုက်လားဟင်။ အစ်ကိုကသာ ကြိုက်ရင် အိ ဒီအလုပ်ကို မရရအောင် ထွက်လိုက်တော့မယ်နော်ဟူသော အိရဲ့ အညှာကိုင် ချုပ်နည်းတွေ....

ကာမဆက်ဆံပြီးတိုင်းလည်း အခကြေးငွေကို မတောင်းပဲ အစ်ကိုရယ် အိ အစ်ကို့ပိုက်ဆံတွေ ကုန်မှာစိုးတယ်။ အစ်ကို အိ ဆီလာတာနဲ့တင် အစ်ကို့ပိုက်ဆံတွေ တော်တော်ကုန်နေပြီ။ အိဆီသာ နေ့တိုင်းလာရင် အိ ကျေနပ်ပြီ။ အစ်ကို အိအတွက် ဒါတွေပေးဖို့မလိုပါဘူးနော်။ မပေးပါနဲ့နော်။ အိလေ..အခုရက်ပိုင်း နေမကောင်းဖြစ်လွန်းလို့ ငွေတွေကုန်တာမှ တောက်တောက်လည် သိလား။ ဆေးခန်းတခါသွားပြရင် ၃၊၄သောင်းကုန်တယ်။ ဟိုနေ့ကလည်း အိ ပိုက်ဆံကို ခိုးသွားတာ ၆သောင်းကျော်ပါသွားတယ်။ အိမှာဖြင့် ငိုလိုက်ရတာ မသုံးရက် မစွဲရက်ပဲ မိဘတွေကို ပေးမည့်ပိုက်ဆံတွေ၊ အိလေ.. အဲဒီနေ့က တညလုံးကို အိပ်မပျော်ဘူး သိလား အစ်ကို။ အခုအစ်ကိုလာတော့ အိမှာ ပျော်လိုက်ရတာ။ဘယ်လိုပျော်မှန်းမသိဘူး။ အစ်ကို့ရင်ခွင်ထဲမှာနေနေရရင် အိဘ၀ကြီးတစ်ခုလုံး လုံခြုံသလိုခံစားရတယ်။ အိလေး အစ်ကို ရင်ခွင်ထဲမှာ အဲဒီလိုပဲ အကြာကြီး ရှိနေချင်တယ်။ အစ်ကိုက ဘယ်လိုကြည့်ကြည့် အရမ်းချစ်ဖို့ကောင်းတာ။ အိလေ..အစ်ကို နောက်နေ့တွေ ထပ်မလာတော့မှာ အရမ်းစိုးရိမ်တယ် သိလား။ အိဆီကို အစ်ကို မလာတော့မှာပဲ ကြောက်နေတာ ဆိုတဲ့ အိရဲ့ ယောကျာ်းတွေရဲ့နှလုံးသားအတွင်း ရိုက်ထည့်တဲ့ မြားဆိပ်တွေ...

ဒီလို အပြော ဒီလို အမူအရာ ဒီလို အပြုအစု အယုအယ အကြင်နာတွေနဲ့ ဘယ်ယောကျာ်းက မသနားပဲ နေမလဲ။ ယောကျာ်းတို့ရဲ့ မဟာ
ယောကျာ်သားဆန်တဲ့စိတ်ဓာတ်တွေကို သိတဲ့ အိအတွက် တောင်းသလောက် ရ၊ လိုသလောက် ရဖြစ်နေတော့ ငွေတွေ တဖြည်းဖြည်းနဲ့ လွယ်လွယ်ရလာတာပေါ့လေ။ ငယ်ငယ်ကတည်းက ပညာမသင်ခဲ့ရ၊ ဆုံးမသွန်သင် ထိန်းကွပ်မှုမရှိခဲ့တဲ့ အိတစ်ယောက် သုံးဖြုန်းပျော်ပါးနေရင်းနဲ့ ဖာဘ၀မှာ ပျော်ပါးလာတယ်။ ၀တ်တတ်၊ စားတတ်၊ ပြင်တတ်၊ ဆင်တတ်လာတော့ အိတစ်ယောက် မင်းသမီးရှူံးလောက်အောင် သူဋ္ဌေးသမီးရှူံးလောက်အောင် နေတတ်ထိုင်တတ် ပြောတတ်ဆိုတတ်လာတယ်လေ။ အသက်ကလေးကလည်း ၁၉နှစ်ဆိုတော့ သေခါနီး ရိက္ခာလိုချင်ကြတဲ့ အဘတွေ အကြိုက်ပေါ့။ ငွေရရင် ချူလို့ရရင် ဘယ်သူမဆို ကြင်နာပြမယ်ဆိုတဲ့ အိတစ်ယောက် အဆင့်အတန်းမြင့်လာတယ်ပဲ ဆိုရမလား။ ပိုပြီး ပျက်စီးလာတယ်ပဲ ပြောရမလား မသိတော့ပါဘူး။ အရင်က မာစွတ်တွေမှာ လာပျော်ပါးတဲ့သူတွေကိုသာ ကြင်နာပြခဲ့တာ။ အဲဒီလူတွေရဲ့အိမ်ထောင်ရေးကို သွားနှောင့်ယှက်တာတွေ၊ ဖျက်ဆီးတာတွေ မလုပ်ခဲ့ဘူး။ အခုကျတော့ ပစ်မှတ်တွေထားပြီး ငွေတွေ ရသလောက် ချူဖို့လုပ်တတ်လာတယ်။ မကြာပါဘူး။ အပြင်ထွက်ပြီး အဆောင်လေးငှားနေလိုက်တယ်။ ထောက်ပံ့သူ ကိုကိုတွေကို အလှည့်ကျ အကြင်နာတွေပေးတယ်။ ဘာသင်တန်း ညာသင်တန်းဆိုတာလေးတွေကို တက်ပြီး ချမ်းသာတဲ့ ကောင်လေးတွေနဲ့ ခင်မင်ရင်းနှီးအောင်လုပ်တယ်။ ချမ်းသာတဲ့ ကောင်မလေးတွေနဲ့ ခင်အောင် ပေါင်းပြီး ဦးလေး အစ်ကိုတို့နဲ့ ခင်မင်ရင်းနှီးအောင်လုပ်တယ်။

အထာနပ်ပြီးသား အိတစ်ယောက် ဘာမျက်စိတွေနဲ့သူ့ကို ကြည့်လဲဆိုတာမြင်တာနဲ့ ၀င်ရောပြီးသား။ အလိုလိုက် အကြိုက်ဆောင်ထားပြီးသားလေ။ ပြီးတော့ပြောတဲ့စကားလေးက ရှိသေးတယ်။ ဦးကို ချစ်လို့ သမီး မိုက်မိတာ။ သမီးရှက်လိုက်တာပေါ့။ အစ်ကိုကြီးကို ချစ်လွန်းလို့ ပုံအပ်မိတာပါ ညီမလေ...သေတောင် သေချင်တယ်ပေါ့။ မမြင်ဖူး မူးမြစ်ထင်နေကြတဲ့ ယောကျာ်းဘသားတွေကလည်း ယုံကြတယ်လေ။

သမီးနောက်ဆို ဘယ်လိုမျက်နှာမျိုးနဲ့ တွေ့ရမလဲ ဦးရယ်။ သမီးသူငယ်ချင်းကို သမီး ဘယ်လိုဆက်ပြီး ပေါင်းရတော့မှာလဲ ဦးရယ်။ မီးကိုသနားရင် ဒီနေ့ဖြစ်ခဲ့တာတွေကို ဦး မေ့ထားလိုက်နော်။ သမီးအတွက် ဘာမှမလိုဘူး။ အခုလိုဖြစ်ရတာလဲ ဦးကို ချစ်လွန်းလို့ သမီးဘက်ကနေ ပေးဆပ်လိုက်တာပါ ဦးတဲ့။ အဲလို အပြောတွေကို မခိုက်တဲ့ နွားအိုတွေ ရှိဦးမလား။ ကွယ်ရာမှာ ခိုးစားလို့ လူမသိအောင် နေတတ်သူကို မကျေနပ်တဲ့သူ ရှိဦးမလား။ မြေးအရွယ်သမီးအရွယ် နုနုထွတ်ထွတ်လေးကို ဘာတာဝန်မှ မယူရပဲ စားနေရတော့ လိုချင်သလောက် ငွေတွေ မကျပဲ ရှိပါတော့မလားကွယ်...

လောဘဆိုတာ အတော်မသတ်နိုင်တာ လူ့ဘ၀ပဲလေ။ တဏှာကိလေသာတွေလည်း ထို့အတူပါပဲလေ။ မကောင်းတာကို မကောင်းမှန်း
မသိတော့ပဲ။ မကောင်းမှုတွေထဲမှာပဲ ပျော်ပါးမွေ့လျော်လာတဲ့ အိတစ်ယောက်၊ လုပ်ကွက်တွေမှန်နေတော့လည်း အိမ်တစ်ဆောင် မီးတပြောင်နဲ့ဖြစ်လာတာပေါ့။ သူ့အတွက်ကတော့ ဒါတွေဟာ ရသင့်ရထိုက် ဖြစ်သင့်ဖြစ်ထိုက်တယ်ထင်ပြီး စိတ်ကြီးဝင်လာတာပေါ့။

အဆက်အသွယ်တွေရလာ...အပေါင်းအသင်းတွေဆန့်လာပြီး သေခါနီးအဘိုးအိုတွေကိုမှ ပစ်မှတ်ထားပြီး အပိုင်ကြံတော့တာပဲ။
လင်သုံးယောက်အတည်ယူဖြစ်ပြီး အမွေတွေ အများကြီးရခဲ့တယ်။ ငွေကြေးချမ်းသာလာတော့လဲ လူတွေက အိကို အထင်ကြီး
လေးစားလာကြတယ်လေ။ ဖာသည်ဆိုတာကို မသိပဲ လာဖားနေကြတာ။ သဘောကလည်း ကောင်း၊ ဆက်ဆံရေးကလည်း သိမ်မွေ့ဆိုတော့လူချစ်လူခင်များတာပေါ့။ အပြောကတော့ ဆင်ကို လိပ်ဖြစ်အောင် ပြောတတ်တာ။ အိဆိုတဲ့ ကောင်မလေးဟာ အခုထက်ထိ ရှိတုန်းပါ။ လက်ရှိမှာလည်း အကောင်အကြီးကြီးရဲ့ အချစ်ဆုံးလေးဖြစ်နေတယ်လေ။

သူ့ဘ၀ဟာ တိုးတက်တာလား၊ အောင်မြင်တာလား၊ အားကျစရာကောင်းသလား ဆိုတာကို စာဖတ်သူတို့ သင်ခန်းစာယူသင့်တယ်နော်။
အကျင့်စရိတ္တတွေ ဆိုးရွားအောက်တန်းကျနေတာတောင် ငွေကြေးဓနပြည့်စုံသွားတာနဲ့ အရာရာကို ဖန်တီးနိုင်တယ်ဆိုတာကို မြင်သွားကြပြီ။ အားလုံးနားလည်သွားကြပြီထင်တယ်။ လူတစ်ယောက်ကို တန်ဖိုးဖြတ်တာဟာ ချမ်းသာကြွယ်ဝမှုနဲ့ လူအများ တိုင်းတာနေကြတယ်ဆိုတာကို သိသွားကြပြီထင်တယ်။

အဲဒါကြောင့်လဲ လောဘသားကောင်တွေဟာ သူတို့ မနစ်နာမချင်း မခံရ မချင်း ကိုယ်ချင်းစာစိတ်မရှိပဲ လူတွေအပေါ်
ခေါင်းပုံဖြတ်အမြတ်ထုတ်ဖို့ ဆက်လုပ်နေကြတာ။ ဥစ္စာဆိုတာ လူတိုင်း သည်းခြေကြိုက်ပဲလေ။ ငွေရှိရင် လိုချင်တာ အားလုံးမရတာတောင် လိုချင်တာဖြစ်အောင် လုပ်နိုင်တဲ့အစွမ်းတွေ အပြည့်ရှိတယ်လေ။ အဲဒါကြောင့်လည်း လူတွေလောဘဇောတက်ပြီး ကိုယ်ကျင့်တရားတွေ ပျက်ပြားပြီး ငွေနောက်လိုက်ကြတာ။ လိုက်ရင်း လိုက်ရင်း မိုက်ရင်း မိုက်ရင်းနဲ့ နောင်တမရပဲ အပြစ်မမြင်ကြပဲ ကြီးမိုက်တွေဖြစ် သမိုင်းတွင်လူမိုက်ကြီးတွေဖြစ်ကုန်ကြတာပေါ့။ အာဏာနဲ့ ငွေဟာ ယစ်မူးမိရင် ဘယ်လိုမှ ဖြတ်လို့မရဘူး။ ကိုယ်ခံရမှ ကိုယ်နစ်နာမှ ကိုယ်ဒုက္ခခံစားရမှသာ ဥစ္စာရူး၊ အာဏာရူးများ အသိတရားကလေး နည်းနည်းသာ ၀င်တတ်ကြပြီး ဆက်ပြီးမိုက်တတ်ကြသည်ဟူသော သဘောတရားလေးကို လူတိုင်း ထင်သာမြင်သာရှိအောင် တင်ပြလိုက်ရခြင်းဖြစ်ပါသည်။

အောင်ကျော်ဦး
၂၁၊၀၇၊၂၀၁၂

Read More

ဒေါ်အောင်ဆန်းစုကြည် လွှတ်တော်တွင်း သတင်းစာရှင်းလင်းပွဲပြုလုပ်၊ လွှတ်တော်ကို ပိုပြီး လွတ်လွတ်လပ်လပ် ဖြစ်စေချင်ကြောင်းနှင့် ပညာရေးနှင့် ဆက်စပ်မှုရှိသည့် အဆိုတင်သွင်းမှုများ ပြုလုပ်ရန်ရှိကြောင်း ပြောကြား

အမျိုးသားဒီမိုကရေစီအဖွဲ့ချုပ်ဥက္ကဋ္ဌ ပြည်သူ့လွှတ်တော်ကိုယ်စားလှယ် ဒေါ်အောင်ဆန်းစုကြည်သည် လွှတ်တော်တွင်း သတင်းစာရှင်းလင်းပွဲတစ်ခုကို  ဇူလိုင်လ ၁၁ ရက်နေ့တွင် သတင်းထောက်များ၏ တောင်းဆိုချက်အရ ပြုလုပ်ပေးခဲ့သည်။
ဇူလိုင်လ ၁၁ ရက်နေ့တွင် ကျင်းပသည့် ပထမအကြိမ် ပြည်သူ့လွှတ်တော် စတုတ္ထပုံမှန်အစည်းအဝေး ခေတ္တရပ်နားစဉ် သတင်းထောက်များမှ လွှတ်တော်ဆိုင်ရာ ကိစ္စများအတွက် သတင်းစာရှင်းလင်းပွဲတစ်ခု ပြုလုပ်ပေးရန် တောင်းဆိုခဲ့ရာမှ ယခုကဲ့သို့ သတင်းထောက်များ၏ မေးမြန်းချက်ကို ပြန်လည် ဖြေကြားပေးခဲ့ခြင်းဖြစ်သည်။
သတင်းထောက်တစ်ဦးမှ အမျိုးသားဒီမိုကရေစီအဖွဲ့ချုပ် လွှတ်တော်ကိုယ်စားလှယ်များနှင့် တွေ့ဆုံစဉ် ပြောကြားခဲ့သည့် ကိစ္စများနှင့် ပတ်သက်၍ မေးမြန်းရာ ''ဒီမိုကရေစီမှာ အတိုက်အခံ အဖွဲ့အစည်းဆိုတာ ရှိရမှာပဲ။ အခု အခြေအနေအရ အန်တီတို့ကို အတိုက် အခံ အဖွဲ့အစည်းလို့ခေါ်ရင်လည်း အန်တီတို့အနေနဲ့ မကန့်ကွက်ပါဘူး။ အန်တီပြောခဲ့တာက ရန်လုပ်ဖို့လာတာ မဟုတ်ဘူး။ စည်းစည်းလုံးလုံးနဲ့ တတ်နိုင်သမျှ နိုင်ငံအကျိုးအတွက် ပူးပေါင်းဆောင်ရွက်ဖို့ လာတာပါ။ အန်တီတို့ကတော့ နိုင်ငံအပေါ်မှာ သစ္စာစောင့်သိတဲ့ အတိုက်အခံ အဖွဲ့အစည်းဆိုတဲ့အမြင်နဲ့ လုပ်သွားမှာပါ။ ဘယ်သူ့ကိုမှ တိုက်ခိုက်ချင်လို့ မဟုတ်ဘူး။ နိုင်ငံတော် အကျိုးပြုချင်လို့ အကျိုးပြုတဲ့နေရာမှာ ပူးပေါင်းဆောင်ရွက်သင့်တဲ့သူနဲ့ ပူးပေါင်းဆောင်ရွက်သွားပါမယ်''ဟု ပြန်လည်ဖြေကြားခဲ့သည်။
''လွှတ်တော်ကို ၃ ရက်တက်ပြီး နောက်လွှတ်တော်ကို ဘယ်လိုမြင်ပါသလဲ'ဟု မေးမြန်းရာ ဒေါ်အောင်ဆန်းစုကြည်က 'ခြုံငုံပြီးပြောရမယ်ဆိုရင် အန်တီတို့အနေနဲ့ လွှတ်တော်ကို နည်းနည်းပိုပြီးတော့ လွတ်လွတ်လပ်လပ် ဖြစ်စေချင်တယ်။ အန်တီတို့ကိုယ်တိုင် က ကိုယ်စားလှယ်တွေဆိုတော့ ၀င်လိုက် ထွက်လိုက်လုပ်နိုင်တဲ့ အခွင့်အရေးတွေ ပိုပြီးတော့ များစေချင်တယ်။ ဥပမာဆိုရင် တချို့ကိစ္စရပ်တွေဟာ ကိုယ့်ရဲ့ကျွမ်းကျင်မှု၊ ကိုယ့်ရဲ့စိတ်ဝင်စားမှု မဟုတ်ဘူးဆိုရင် တခြားမှာသွားပြီးတော့ ကိုယ်စိတ်ဝင်စားတဲ့ အဆိုတွေနဲ့ ပတ်သက်လို့ ပြင်ဆင်ဖို့၊ ဆွေးနွေးဖို့ အဲလို အနေအထားမျိုး ရှိနိုင်မယ်ဆိုရင်တော့ ကိုယ်စားလှယ်တွေအတွက် ပိုလွတ်လပ်တာပေါ့။ ဒါပေမယ့် အခုကျတော့ အားလုံးထိုင်ပြီးတော့ တစ်ချိန်ထဲမှာထိုင်၊ တစ်ချိန်ထဲမှာထဆိုတော့ အဲဒါကတော့ နောက်လည်းဖြစ်လာမယ်လို့ ထင်ပါတယ်။ ရင့်ကျက်တဲ့ လွှတ်တော်တွေနဲ့တော့ နည်းနည်းကွာသေးတာပေါ့''ဟု ဖြေကြားခဲ့သည်။
''လွှတ်တော်မှာ အန်တီအဆိုတွေ၊ မေးခွန်းတွေ ဘယ်တော့လောက်တွေ့ မြင်ရနိုင်ပါသလဲ''ဟု မေးမြန်းရာ 'အဲဒါ မသိဘူး။ ဒါက အန်တီတို့ဆုံးဖြတ်တာ မဟုတ်ဘူး။ တင်တာတင်တာ။ ဘယ်တော့လောက် လက်ခံမလဲဆိုတာကတော့ လွှတ်တော်ရုံးအပေါ်မှာ မူတည်တာပေါ့။ အခုတစ်ခုပဲ စဉ်းစားထားတာ ရှိပါတယ်။ အခုမပြောသေးဘူး။ ပညာရေးနဲ့တော့ ဆက်စပ်မှာပေါ့။ အဆိုတင်သွင်းမှုတွေကို လုပ်ဖို့တော့ အန်တီတို့ ကိုယ်စားလှယ်တွေက တင်ထားတယ်။ ဥပဒေကြမ်းတင်ဖို့တော့ မရှိသေးပါဘူး''ဟု ပြောကြားခဲ့သည်။
လွှတ်တော်တွင်းမှ ပြည်သူ့အတွက် ဘာတွေဆောင်ရွက်ဖို့ ရှိပါသလဲဟု မေးမြန်းရာ 'အန်တီအမြဲပြောတယ်။ အန်တီပေးနိုင်တဲ့ ကတိတစ်ခုပဲ ရှိတယ်။ အန်တီ အကောင်းဆုံးကြိုးစားမယ်။ အကောင်းဆုံးလုပ်မယ်။ လွှတ်တော်ထဲမှာလည်း အကောင်းဆုံးကြိုးစားမယ်။ ဒါပေမယ့် လွှတ်တော်ထဲရောက်လို့ လွှတ်တော်ပြင်ပက နိုင်ငံရေးကို လုံးဝလက်လွှတ်မှာ မဟုတ်ဘူးဆိုတာ အန်တီ သေချာပြောချင်ပါတယ်''ဟု ဖြေကြားခဲ့သည်။
ကော့မှူးမြို့နယ်အတွက် သီးခြားအဆိုတင်သွင်းရန် မရှိသေးကြောင်း၊ ၀န်ကြီးအပြောင်းအလဲ သတင်းများနှင့်ပတ်သက်၍ အဓိက အပြောင်းအလဲဆိုသည်မှာ မည်သူမည်ဝါဆိုသည်ထက် ကောင်းသည့်ပြောင်းလဲခြင်းဘက်သို့ ဦးတည်ရန်သာ အရေးကြီးကြောင်း ပြန်လည်ဖြေကြားခဲ့သည်။

Read More

ကိုကာကိုလာကုမ္ပဏီနှင့် Max အချိုရည် ထုတ်လုပ်သော ပင်းယကုန်ထုတ်လုပ်ရေး ကုမ္ပဏီတို့ မြန်မာပြည် စီးပွားဖက်အဖြစ် ချိတ်ဆက်လုပ်ဆောင်ရန် ဆွေးနွေးနေ

နာမည်ကျော် အမေရိကန် ကုမ္ပဏီတစ်ခုဖြစ်သည့် ကိုကာကိုလာကုမ္ပဏီ နှင့် Max ၊ Max plus အချိုရည်များ၊ Max2O ၊ မြနန္ဒာ သောက်ရေသန့်များ ထုတ်လုပ်ရောင်းချနေသော မြန်မာထိပ်တန်း လုပ်ငန်းတစ်ခုဖြစ်သည့် ပင်းယကုန်ထုတ်လုပ်ရေး ကုမ္ပဏီတို့သည် မြန်မာပြည်စီးပွားဖက်အဖြစ် ချိတ်ဆက်လုပ်ဆောင်ရန် ဆွေးနွေးနေကြောင်း အချိုရည်လုပ်ငန်းများနှင့် နီးစပ်သည့် လုပ်ငန်းရှင်များထံမှ သတင်းရရှိပါသည်။

''ကိုကာကိုလာကုမ္ပဏီနဲ့ ပင်းယကုမ္ပဏီတို့ စီးပွားဖက်အဖြစ် ချိတ်ဆက်ဖို့ ဆွေးနွေးနေပါပြီ။ ကိုကာကိုလာ အချိုရည်တွေကို ပင်းယက တင်သွင်းဖြန့်ချိမယ်လို့ သိရပါတယ်''ဟု အဆိုပါလုပ်ငန်းနှင့် နီးစပ်သည့် စီးပွားရေးလုပ်ငန်းရှင်တစ်ဦးက ပြော ကြားပါသည်။ ပင်းယကုမ္ပဏီအနေဖြင့် ကိုကာကိုလာကုမ္ပဏီ အခြေစိုက်ထားသည့် အိမ်နီးချင်းနိုင်ငံများမှတစ်ဆင့် အချိုရည်များကို တင်သွင်းဖြန့်ချိသွားမည်ဖြစ်ပြီး လာမည့်နှစ်များတွင် မြန်မာနိုင်ငံအတွင်း အကျိုးတူဖက်စပ်စက် ရုံများ တည်ထောင်ကာ ထုတ်လုပ်ရောင်းချရန် စီစဉ်ထားကြောင်း သိရသည်။
ကိုကာကိုလာကုမ္ပဏီသည် လာမည့် သုံးနှစ်မှ ငါးနှစ်အတွင်း မြန်မာနိုင်ငံတွင် သိသာထင်ရှားသည့် ရင်းနှီးမြှုပ်နှံမှုများ ပြုလုပ်သွားရန် မျှော်မှန်းထားကြောင်း ထုတ်ပြန်ပြောကြားထားသည်။ ကိုကာကိုလာနှင့် ချိတ်ဆက်လုပ်ကိုင်မည့် ပင်းယ ကုန်ထုတ်လုပ်ရေးကုမ္ပဏီသည် မြန်မာနိုင်ငံ၏ ထိပ်တန်း အချိုရည်လုပ်ငန်းတစ်ခုဖြစ်ပြီး နှစ်စဉ်အချိုရည်ပုလင်းနှင့် ဘူးထုတ်လုပ်ရောင်းချမှု ပမာဏသန်း ရာဂဏန်းရှိကြောင်း အချိုရည်ဈေးကွက်အတွင်းမှ သိရပါသည်။

မြန်မာအမျိုးသမီးများ အလုပ်အကိုင် အခွင့်အလမ်းအတွက် ပံ့ပိုးနိုင်ရန် အမေရိကန်ဒေါ်လာ သုံးသန်းကို ကိုကာကိုလာဖောင်ဒေးရှင်းအနေဖြင့် ကူညီထောက်ပံ့သွားမည်ဖြစ်ကြောင်း သိရ . . .

ကိုကာကိုလာကုမ္ပဏီသည် မြန်မာနိုင်ငံတွင် နှစ်ပေါင်း ၆၀ ကျော်အတွင်း တရားဝင် ပြန်လည်ရင်းနှီးမြှုပ်နှံရန် စီစဉ်နေပြီဖြစ်ကြောင်း ဇွန်လ ၁၄ ရက်နေ့က ထုတ်ပြန်ကြေညာခဲ့ပြီး ဇူလိုင်လဆန်းပိုင်းတွင် ပင်းယ ကုန်ထုတ်လုပ်ရေးကုမ္ပဏီနှင့် ချိတ်ဆက်ခဲ့ခြင်းဖြစ်ပါသည်။ ထို့ပြင် အခြားအမေရိကန် ကုမ္ပဏီအချို့သည် အမေရိကန်ပြည်ထောင်စုအစိုးရက  မြန်မာနိုင်ငံတွင် ရင်းနှီးမြှုပ်နှံမှုများ ပြုလုပ်နိုင်ရန် လိုင်စင် ထုတ်ပေးသည်နှင့်တစ်ပြိုင်နက် လုပ်ငန်းစတင်ရန် မြန်မာကုမ္ပဏီများနှင့် ချိတ်ဆက်မှုများ ပြုလုပ်နေပြီဖြစ်သည်။
ကိုကာကိုလာကုမ္ပဏီသည် မြန်မာနိုင်ငံသို့ ၁၉၂၇ ခုနှစ် စတင်ဝင်ရောက်ခဲ့ပြီး ဒုတိယကမ္ဘာစစ် မဖြစ်ခင်အချိန်ထိ ရင်းနှီးမြှုပ်နှံဖူးကြောင်း၊ မြန်မာနိုင်ငံသို့ ပြန်လည်ဝင်ရောက်မှုနှင့်အတူ မြန်မာအမျိုးသမီးများ အလုပ်အကိုင် အခွင့်အလမ်းအတွက် ပံ့ပိုးနိုင်ရန် အမေရိကန်ဒေါ်လာ သုံးသန်းကို ကိုကာကိုလာဖောင်ဒေးရှင်းအနေဖြင့် ကူညီထောက်ပံ့သွားမည်ဖြစ်ကြောင်း သိရပါသည်။ ပက်စီကုမ္ပဏီကလည်း မြန်မာထိပ်တန်းကုမ္ပဏီတစ်ခုဖြစ်သည့် ဒိုင်းမွန်းစတားကုမ္ပဏီနှင့် ချိတ်ဆက်ပြီး မြန်မာနိုင်ငံ အချိုရည်ဈေးကွက်အတွင်း မကြာမီဝင်ရောက်နိုင်ရန် ပြင်ဆင်နေပြီဖြစ်ပါသည်။

Read More

တံခါးဖွင့်စဉ် မြင်တွေ့လိုက်ရသည့် ချည့်နဲ့နေသော ပညာရေး

အဆောင်များသည် လူသူကင်းမဲ့နေသည်။ တချိန်က ဝင့်ကြွားခဲ့သော ပါမောက္ခနေအိမ်များသည် ပေါင်းမြက်များ ဖုံးလွှမ်း လျက်ရှိသည်။ စစ်တပ်က ဗုံးဖြင့်ခွဲခဲ့သော ကျောင်းသားသမဂ္ဂ အဆောက်အဦးနေရာတွင် မြက်များသာ ပေါက်နေသည်။

ဤသည်ကား တစ်ချိန်က အာရှ၏ အကောင်းဆုံး ရန်ကုန်တက္ကသိုလ်ကြီးဖြစ်ပြီး၊ ရာစုနှစ် ထက်ဝက်ခန့် စစ်တပ်မှ အုပ်စိုးခဲ့ပြီး ပညာရေး စနစ်ကို ချိနဲ့စေခဲ့ခြင်း၏ ဝမ်းနည်းဖွယ် သင်္ကေတတစ်ခု ဖြစ်သည်။ ယခုအချိန်တွင် ဘွဲ့ရပြီးသော ကျောင်းသားများသာ ထိုနေရာတွင် စာသင်နိုင်သည်။ စစ်အစိုးရသည် ကျောင်းသားများ ဦးဆောင်သည့် ဆန္ဒပြမှုများကို ကြောက်ရွံ့ခြင်း ကြောင့်၊ မကြာခဏ ကျောင်းပိတ်ခဲ့ ပြီး၊ ကျောင်းသားများကို ဝေးလံသော နေရာများတွင် အဆောက်အဦး နည်းပါးစွာဖြင့် ဖြန့်ကျက်ပစ်ခဲ့သည်။

ယခုမြန်မာနိုင်ငံသည် ပြင်ပကမ္ဘာသို့ တံခါး ဖွင့်ခဲ့ချိန်တွင် ထို့အတွက်ကြီးမားစွာ ပေးဆပ်နေရပြီ ဖြစ်သည်။ တက္ကသိုလ်များကို ဖြိုခွဲ ပစ်ခဲ့ခြင်းသည် မျိုးဆက်နှင့်ချီသော ဆုံးရှုံးမှုကို ဖြစ်စေခဲ့ပြီ။ ထို့ကြောင့် ဖွံ့ဖြိုး တိုးတက်မှုနှုန်းသည် နှေးကွေးသွားမည် ဖြစ်သည်။ နိုင်ငံခြား ရင်းနှီးမြှပ်နှံသူများ၊ အလှူရှင်များနှင့် အမြတ်အစွန်းကိုသာ ကြည့်မည့်သူများ မျှော်လင့်ထားသည့်အတိုင်း ဝင်ရောက်လာပါက ပညာရေး ချို့တဲ့သော မြန်မာပြည်သူများသည် ခေါင်းပုံဖြတ် ခံရတော့မည်ဟု ပညာရှင်များက ပြောသည်။

“ကမ္ဘာကြီးကို အမှီလိုက်ဖို့ဆိုရင် အနည်းဆုံး ဆယ်နှစ်လောက်လိုပါမယ်။ ကျွန်တော်တို့ရဲ့ ပညာရေး ယဉ်ကျေးမှုကြီးကို ပြောင်းပစ်ရ ပါမယ်။ ဒါပေမယ့် ဒါလုပ်ဖို့ သိပ်ခက်ခဲနေပါလိမ့်မယ်”ဟု ပညာရေးမြှင့်တင်မှုများ ပြုလုပ်နေသော မင်္ဂလာမြန်မာမှ အကြီးအကဲ ဒေါက်တာဘုန်းဝင်းက ပြောသည်။

ကနဦးခြေလှမ်းများ စတင် လုပ်ဆောင်နေပြီ ဖြစ်သည်။ ယခင်က လုပ်ဆောင်ဖူးခြင်း မရှိသော ပြုပြင်ပြောင်းလဲမှုများ ပြုလုပ်ပြီး စစ်တပ်က အာဏာ ဆုပ်ကိုင်ထားမှုကို လျှော့ချနေသော သမ္မတ ဦးသိန်းစိန်သည် ပြီးခဲ့သည့်နှစ် ၎င်းတက်ရောက်လာစဉ်က မိန့်ကြားခဲ့သော မိန့်ခွန်းတွင် ပညာရေး တိုးတက်ရန် နှင့် နိုင်ငံတကာ အဆင့်မြှင့်တင်ရေးအတွက် နိုင်ငံခြားပညာရှင်များ ရှာဖွေရန် ပြောကြားခဲ့သည်။

ပညာရေးဘက်ဂျက်သည် စစ်တပ်သုံးစွဲမှုထက် စာလျှင် နည်းပါးလွန်းလှပြီး၊ လုံလောက်မှုမရှိဟု ကျယ်ပြန့်စွာ ဝေဖန်ခဲ့ကြသည်။ ဧပြီလက ပညာရေးဘတ်ဂျက်ကို ဒေါ်လာသန်း(၃၄၀) မှ သန်း (၇၄၀) သို့ တိုးမြှင့်ပေးခဲ့သည်။ နှစ်ပေါင်းများစွာကပင် ဘတ်ဂျက်၏ ၂၅% ကိုစစ်တပ်အတွက် အသုံးပြုခဲ့ပြီး၊ ပညာရေးအတွက် ၁.၃% သာအသုံးပြုခဲ့သည်။

မြန်မာနိုင်ငံတွင် ဓါတ်ခွဲခန်းပစ္စည်းများနှင့် ကိရိယာများကိုင်တွယ်နိုင်မည့် အင်ဂျင်နီယာများ မဖြည့်ဆည်းပေးနိုင်သည်မှာ ဓါတုဗေဒ ပါမောက္ခ မျိုးဆက်နှစ်ဆက် ရှိပြီဖြစ်ကြောင်း စီးပွားရေးလုပ်ငန်းရှင် ဦးမိုးကျော်က ပြောသည်။

MBA ဘွဲ့ရများမှ အစပြု၍ ရှေ့နေများနှင့် စာရင်းကိုင်များအဆုံး များစွာ လိုအပ်လျက်ရှိသည်။ ဦးမိုးကျော်က တိတိပပ စိုးရိမ်ရသော အချက်မှာ အကယ်၍ ရင်းနှီးမြှုပ်နှံမှုများ ပုံအော ဝင်လာပါက ကျွမ်းကျင်သော ပညာရှင်များနှင့် လုပ်သားများ မရှိခြင်းဖြစ်ကြောင်း ပြောခဲ့သည်။ မကြာသေးမီက ရန်ကုန်၏ အနာဂတ်နှင့် ပတ်သက်၍ ကွန်ဖရင့်တစ်ခုတွင် အစိုးရ တာဝန်ရှိသူများက တိုင်းပြည်တွင် မြို့ပြဖွံ့ဖြိုးရေးနှင့် ပတ်သက်သော ပညာရှင် (၅၀) ဦး ခန့်သာ ရှိပြီး (၅၀၀) ခန့် လိုအပ်ကြောင်း ပြောကြားခဲ့သည်။

“မြန်မာနိုင်ငံဟာ အမြတ်ထုတ်ခံရနိုင်တယ်လို့ ပြောနိုင်ပါတယ်။ ပြည်တွင်းမှာ အဆင့်အတန်းမှီတဲ့ လူတွေမရှိတော့ နိုင်ငံခြားသားတွေက သူ့ဘာသာခေါ်လာကြတဲ့အခါ မြန်မာတွေအဖို့ လခကောင်းတဲ့ အလုပ်အကိုင်အခွင့်အလမ်းတွေ ဆုံးရှုံးမှာ ဖြစ်ပါတယ်”ဟု UNESCO မှ ပညာရေးနှင့် ပတ်သက်သော Sardar Umar Alam ကပြောသည်။

“အစိုးရသည် အဆင့်မြင့်ပညာအတွက် ကျောင်းပေါင်း (၁၆၀) ခန့် တိုးမြှင့်ပေးခဲ့သော်လည်း၊ ဘွဲ့ရသူ အများစုက ၎င်းတို့၏ဘွဲ့နှင့် မထိုက်တန်ကြောင်း ကိုယ့်ကိုကိုယ် ပြက်ရယ်ပြုကြသည်။

ယခင် ဗြိတိသျှကိုလိုနီဟောင်းဖြစ်သော မြန်မာနိုင်ငံတွင် အင်္ဂလိပ်စာ အရည်အသွေးများ ပျောက်ဆုံးသွားရခြင်းအတွက် အများက စိတ်ပျက် နေကြသည်။ ၁၉၆၀ ခုနှစ်နှစ်လယ်များက နိုင်ငံခြားသားကြောက်သော ဗိုလ်ချုပ်နေဝင်းက ကျောင်းများတွင် အတန်းငယ်များ၌ အင်္ဂလိပ်စာ သင်ကြားမှုကို ပိတ်ပင်ခဲ့သည်။

“ကျွန်တောတို့ မန္တလေးရုံးမှာ အလုပ်တော်တဲ့ အမျိုးသမီးဝန်ထမ်း တစ်ဦးရှိပါတယ်။ သူက စိတ်ပညာနဲ့ဘွဲ့ရပေမယ့် အင်္ဂလိပ်လို စာလုံးတောင် မပေါင်းတတ်ပါဘူး”ဟု ဦးမိုးကျော်က ပြောသည်။

ပညာရေးအပေါ် ဆင်နွှဲသော တိုက်ပွဲမှာ ၁၉၆၂ ခုနှစ်စစ်တပ်မှ အာဏာသိမ်းပြီးနောက် ရန်ကုန်တက္ကသိုလ်ကျောင်းသား သမဂ္ဂ အဆောက်အဦးကို အစိုးရဆန့်ကျင်သူများ၏ လှုပ်ရှားမှုများ စတင်ရာနေရာ အဖြစ်မှတ်ယူ၍ ဗုံးခွဲခဲ့ရာမှ စတင်ခဲ့သည်။

သို့သော် အမှောင်ဆုံးနေ့ရက်များမှာ ၁၉၈၈ ခုနှစ်က ကျောင်းသားများနှင့် ဒေါ်အောင်ဆန်းစုကြည်တို့ ဦးဆောင်သော ဒီမိုကရေစီ ဆန္ဒပြပွဲများ ရှုံးနိမ့် ခဲ့ရမှုများအပြီးတွင် ထွက်ပေါ်လာခဲ့သည်။ စစ်အစိုးရသည် တက္ကသိုလ်များကို ပိတ်ပစ်ခဲ့ပြီး အစိုးရဆန့်ကျင်ရေး ဆန္ဒပြမှုများကို ကာကွယ်သည့်အနေဖြင့် ကျောင်းသားများကို မြို့နှင့် ဝေးရာသို့ ပို့ပစ်ခဲ့သည်။

“တက္ကသိုလ်ကျောင်းသားဘဝတွေဟာ တစ်စစီပြိုကွဲခဲ့ရပါတယ်။ ဘာလို့လဲဆိုတော့ အစိုးရက တက္ကသိုလ်ကျောင်းသားတွေဟာ ငြိမ်ဝပ်ပိပြားနေရ မယ်လို့ ခံယူထားလို့ပါပဲ”ဟု ဒေါ်အောင်ဆန်းစုကြည်က မကြာသေးမီက ဗြိတိသျှပါလီမန်တွင် ပြောခဲ့သော မိန့်ခွန်းတွင် ထည့်သွင်းပြောကြားခဲ့သည်။

“ပညာရေးစနစ်က လွန်စွာ အားနည်းနေပါတယ်။ ပြုပြင်ပြောင်းလဲရေးလုပ်ဖို့ လိုအပ်နေပါတယ်။ ကျောင်းတွေ၊ သင်ရိုးတွေနဲ့ ဆရာတွေ ကို လေ့ကျင့် သင်ကြားပေးရေးတွေသာမကပဲ ကျွန်မတို့ရဲ့ ပညာရေး အပေါ်ထားတဲ့ သဘောထားကိုလည်း ပြုပြင်ယူရပါမယ်။ လက်ရှိ အားဖြင့် ပညာရေးနှင့် ပတ်သက်ပြီး သဘောထားက အမြင်ကျဉ်းမြောင်းလွန်းပြီး၊ ပြောင်းလဲလိုစိတ် မရှိပါဘူး”ဟု သူက Oxford တက္ကသိုလ်တွင် ပြောကြားခဲ့သည်။

ကျောင်းသားများမှာ ကျေးလက်တွင်ရှိသော ကျောင်းများသို့ တက်ရောက်ရန် အားမရှိကြဘဲ အဝေးသင်ပညာရေးကိုသာ ပို၍ စိတ်အားထက်သန် ကြသည်။ ကျောင်းသားများ၏ ၇၀% မှာ အဝေးသင်ဖြင့်သာ ဘွဲ့ယူကြသည်။ ပုံမှန်အားဖြင့် အဝေးသင် ကျောင်းသားများမှာ တစ်နှစ်လျှင် ၁၀ ရက်ခန့်သာ ကျောင်းတက်ရပြီး၊ အိမ်တွင်လုပ်ရန် အဆိုင်းမင့်များ ပေးခြင်းသာ ရှိသည်။

အသက်လေးဆယ်ကျော် ဝန်းကျင်တွင် ရှိနေသူများသည် အစိုးရထံတွင်သော်လည်းကောင်း၊ စီးပွားရေး လောကတွင် လည်းကောင်း အကြီးတန်း နေရာများတွင် ရောက်နေသင့်ပြီဖြစ်သည်။ သို့သော် ယခု ဤအရွယ်သို့ ရောက်နေသူများမှ ကျောင်းတွင် ပညာပြည့်ဝစွာ မရခဲ့၊ အချို့ကလည်း ရည်မှန်းချက် ပျက်၍ အရည်အချင်း မပြည့်ဝဘဲ အလုပ်အကိုင်ဘဝထဲသို့ ရောက်ရှိခဲ့ရပြီး၊ အချို့ကလည်း နိုင်ငံခြား တိုင်းပြည်များသို့ ထွက်သွားရခဲ့သည်။

အာဏာရှင်စနစ်၏ လက်အောက်တွင်ရှိသော နှစ်များအတွင်း ပညာရေးစနစ်သည် အောက်သို့စိုက်၍ ထိုးဆင်းသွားခဲ့သည်။ စာမေးပွဲ တွင် ခိုးချ ခြင်းများကလည်း ကျယ်ပြန့်လာသည်။ ဆင်းရဲ မွဲတေမှုကြောင့် ကိန်းဂဏန်းမှာ မယုံနိုင်ဖွယ် ကျဆင်းခဲ့ရာ လူဦးရေ၏ ၇၀% သည် မူလတန်း ပညာရေးကိုပင် ပြီးဆုံးအောင် မသင်နိုင်ဖြစ်ရသည်ကို တွေ့ရသည်။ တက္ကသိုလ်များ၏ အဆင့်အတန်းမှာလည်း လျင်မြန်စွာ ကျဆင်းခဲ့သည်။

“မြန်မာနိုင်ငံမှာ ပါမောက္ခတွေဟာ သုတေသန လုပ်ဖို့မလိုပါဘူး၊ စာတမ်းလေးရေး၊ ကွန်ဖရင့်လေး တက်ရုံပါပဲ။ သောကြာနေ့မှာ လျှောက်လွှာတင်၊ တနင်္လာနေ့မှာ ပါမောက္ခဖြစ်ပြီ”ဟု ဒေါက်တာဘုန်းဝင်းက ပြောသည်။

မကြာမီက စစ်တပ်အုပ်ချုပ်ရေးမှ အရပ်သား အုပ်ချုပ်ရေးသို့ ပြောင်းလဲသွားခဲ့ရာ၊ ပြည်သူများသည် ၎င်းတို့၏ ဒေါသများကို ဖော်ထုတ် လာကြသည်။ နာမည်ကြီးသော ဘလောဂ့်တစ်ခုတွင် ဘာမျှ မတက်သော စစ်အရာရှိများသည် ၎င်းတို့၏ အာဏာကို အလွဲသုံးစား၍ ချမ်းသာအောင် လုပ်နေသည်ဟု ပညာရေး တာဝန်ရှိသူများကို စွပ်စွဲပြောဆိုထားသည်။

သို့သော် အစိုးရသည် ၉ သန်းမျှရှိသော ကျောင်းသားများ တိုးတက်မှုရှိရေးအတွက် ကြိုးစားနေပုံတော့ရသည်။

ကျောင်းဆရာများမှာ ဆင်းရဲသည့် အဆင့်တွင်ပင် ရှိနေသေးပြီး လစာ တိုးမြှင့်ပေးထားပြီး တစ်လလျှင် ဒေါ်လာ (၃၀) တိုးပေး ထားသည်။ ကျေးလက်တွင် တာဝန် ထမ်းဆောင်သူများ နှစ်ဆ တိုးသည်။

ယခင်ကတည်းက အဆက်အသွယ် ရှိ်ခဲ့သော နိုင်ငံခြား တက္ကသိုလ်များ ပြန်လည် တည်ထောင်ရန် လုပ်ဆောင်လျက်ရှိသည်။ အမေရိကန်၏ John Hopkins တက္ကသိုလ်သည် ဘွဲ့ရကျောင်းသားများနှင့် ဆရာများ လေ့ကျင့်ပေးရေးအတွက် ရည်ရွယ်၍ ရန်ကုန်တက္ကသိုလ်တွင် Center of Excellence ထူထောင်ရန် စီစဉ်နေသည်။

“သမ္မတကြီးကတော့ ပညာရေးနဲ့ ပတ်သက်ပြီး ပြုပြင်ပြောင်းလဲရေး လုပ်ဖို့ တကယ်ကို တွန်းအားပေးနေတာပါပဲ။ ဒါပေမယ့် ဒါက အထက်က အောက်သွားတဲ့ပုံစံ(top-down)ဖြစ်နေတော့၊ ညွှ့န်ကြားရေးမှူးချုပ် အဆင့်လောက်မှာတင် ရပ်နေတယ်” ဟု မြန်မာနိုင်ငံ၏ လေးစားရသော ပညာရှင် တစ်ဦးဖြစ်သူ ရန်ကုန်တက္ကသိုလ် စာကြည့်တိုက်မှူးဟောင်း ဦးသော်ကောင်းက ပြောသည်။ “အစိုးရက လွှတ်တော်ကိုယ်စားလှယ်တွေရဲ့ စကားကို နားထောင်နေတာပဲ။ တစ်ခါတစ်ရံ ဝန်ကြီး အဖြေရ ခက်တဲ့ မေးခွန်းတွေတောင် မေးနေကြတယ်” ဟု ၎င်းကဆိုသည်။

မြန်မာပညာတတ် အများစုက သမ္မတအကြံပေးဦးမြင့်၏ ယခု အိတ်ဖွင့်ပေးစာတွင် ဖော်ပြထားသော ရန်ကုန်တက္ကသိုလ် ဘွဲ့ကြို သင်တန်းများ ပြန်လည်ဖွင့်ရန်နှင့် ပြည်သူလူထု အလှူငွေဖြင့် ကျောင်းသားသမဂ္ဂ အဆောက်အဦး ပြန်လည် ဆောက်လုပ်ရန် တိုက်တွန်းထားမှုအား ခေါင်းဆောင်ပိုင်းမှ တုံ့ပြန်မှုကို စိတ်အားထက်သန်စွာ စောင့်ကြည့်လျက်ရှိသည်။ ၎င်းက ရန်ကုန်တက္ကသိုလ်အား အမျိုးသား ပြန်လည်သင့်မြတ်ရေးအတွက် အရေးကြီးသော မှတ်တိုင်ဟုလည်းကောင်း၊ သမိုင်း စာမျက်နှာသစ် အသစ်စတင်ရန် အကောင်းဆုံးနည်းဖြစ်ကြောင်း ဖော်ပြထားသည်။

ထွက်ပေါ်လာမည့် ရလဒ်သည် အစိုးရက ၎င်း၏ ရည်ရွယ်ချက်အပေါ် အလေးအနက်ထားခြင်း ရှိ-မရှိ အဓိက စမ်းသပ်မှုအတွက် သက်သေဖြစ်မည် ဖြစ်သည်။ သို့တည်းမဟုတ် ကျောင်းသားများ၏ စွမ်းအားကို ကြောက်ရွံ့သော စိတ်၏ အရိပ်ထိုးမှု ခံရဆဲလားဆိုသည်ကို စောင့်ကြည့်ရပေတော့မည်။

မြန်မာသည် ကမ္ဘာကို တံခါး ဖွင့်ပြီးနောက် ချည့်နဲ့သော ပညာရေးစနစ်နှင့် ကျောင်းမတက်နိုင်သော ပြည်သူများ များပြားနေခြင်းအတွက် တန်ဖိုးကြီး ပေးဆပ်ရတော့မည်။

ထွန်းဝေ

(28 June 2012 ရက်စွဲပါ Washington Post မှ Denis d.Gray ရေးသားသော Now opening to world, Myanmar pays price for crippled education system and unschooled citizens ကိုဘာသာပြန်ဆိုသည်။)

Read More

ထိုင်ခုံအမှတ် G-22 တွင် ထိုင်လျှက် ပြည်သူ့ လွှတ်တော် အစည်းအဝေး တက်ရောက်နေသော ဒေါ်အောင်ဆန်းစုကြည်

Read More

ုပြည်သူ့ လွှတ်တော် အစည်းအဝေးတက်ရောက်ကြောင်း မှတ်တမ်းတွင် လက်မှတ်ရေးထိုးနေသည့် ဒေါ်အောင်ဆန်းစုကြည်

Read More