ယာယီထိန်းသိမ်းခံရပြီးပြန်လည်လွတ်မြောက်လာသည့်ဗကသအဖွဲ့ဝင်များအား
ယနေ့(ဇူလိုင်လ ၇ ရက်) ည ၉ နာရီဝန်းကျင်က ၈၈
မျိုးဆက်ကျောင်းသားများရုံးခန်းတွင် တွေ့ရစဉ်
ရန်ကုန်မြို့မှ ပြန်လည်လွတ်မြောက်လာသော ဗကသအဖွဲ့ဝင်များသည် ည ၉ နာရီကျော်ခန့်တွင် ၈၈ မျိုးဆက် ကျောင်းသားများရုံးခန်းသို့ ရောက်ရှိလာပြီး သတင်းမီဒီယာများအား တွေ့ဆုံကာ ၎င်းတို့ ကြုံတွေ့ခဲ့ရသော အဖြစ်အပျက်များအား ရှင်းလင်းတင်ပြခဲ့သည်။
"သူတို့ပြောတာကတော့ ကျောင်းသားသမဂ္ဂဆိုတာ တရားဝင်အဖွဲ့အစည်း
မဟုတ်တဲ့အတွက် အခုလိုပွဲမျိုးတွေကို လုပ်ခွင့်မရှိဘူး။ နောက်ပြီး
ကျွန်တော်တို့ကို ခေါ်ယူ ထိန်းသိမ်းတယ်လို့ မပြောဘူး။ ခေါ်ယူဆွေးနွေးတာလို့ပဲ
ပြောတယ်။ ဒီပွဲအတွက် ခေါ်ယူဆွေးနွေးတာ။ ပွဲပြီးတာနဲ့
ပြန်လွှတ်ပေးမယ်လို့တော့ အာမခံချက်ပေးတယ်။ ဒါပေမယ့် ကျွန်တော်တို့ကို မနက် ၃
နာရီလောက်အထိ တစ်ယောက်ပြီး တစ်ယောက် စစ်ဆေးတာတွေ လုပ်တယ်။ အဓိကကတော့
စိတ်ပိုင်းဆိုင်ရာ ထိုးနှက်မှုတွေ လုပ်တာပါ"ဟု ထိန်းသိမ်းခံရသော
ကျောင်းသားတစ်ဦးဖြစ်သူ ကိုစည်သူမောင်က ပြောပါသည်။
ထိန်းသိမ်းခံရသော ကျောင်းသူတစ်ဦးဖြစ်သူ မဖြိုးဖြိုးအောင်က ဖြစ်စဉ်များကို ရှင်းလင်းပြောကြားနေစဉ်
အလားတူပင် မန္တလေး၊ လားရှိုး၊ ရွှေဘို၊ မြင်းခြံမြို့များမှ ခေါ်ယူထိန်းသိမ်းခံရသည့် ဗကသအဖွဲ့ဝင်များကိုလည်း ပြန်လည် လွှတ်ပေးလိုက်ပြီဖြစ်ကြောင်း သိရသည်။
0 comments:
Post a Comment